Јасмина Билаловиќ: Новиот културен простор „Центар -Јадро“ е наменет за демократска и прогресивна култура

На местото на некогашната урбана заедница „Дане Крапчев“, во Дебар маало во текот на минатата година и почетокот на оваа година Асоцијацијата на незавсна култура и Општина Центар и го изградија новиот културен центар „Јадро“.

Директорката Јасмина Билаловиќ вели дека центарот е основан по принципот на цивилно – јавно партнерство со Општина Центар за потребите на заедницата.

„Културно – социјалниот простор Центар Јадро е прва установа од ваков вид во нашата држава, истовремено е и инклузивен простор кој негува демократска, прогресивна и инклузивна култура низ креирање на програми, едукација, развој и афирмација. Овок простор замислен да им овозможи место за работа на уметниците од независниот сектор, но и за пошироката заедница, граѓаните како активни учесници. Неговата специфичност е заедничкото управување. Од една страна граѓанскиот сектор, односно мрежата на независниот културен сектор и од друга страна јавниот сектор, односно Општината, тоа е еден подемократски начин на управување и алтернатива на постоечките институционални модели во културата, од кои не бевме задоволни“, вели Билаловиќ.