Аврамовска Нушкова: Жените се справуваат со насилството со специјализирани советувалишта и фондови за помош
Од 25 ноември до 10 декември трае кампањата „16 дена активизам против родово базираното насилство“ и годинава повеќе организации се вклучија во оваа кампања која ги мобилизира и не само граѓанските здруженија, туку и надлежните државни институции и медиумите.
„Ме радува што не само во Скопје, туку и во другите градови, ние како Национална мрежа за броба против насилство врз жените и девојчињата организиравме повеќе дискусии со со нашите членки, со претстставнци на социјалните центри, на полициските станици за пружање на првичната помош на жената, жртва на насилството, а потоа како да поработиме сите заедно на превенцијата на насилството врз жените.
Исто така и пандемијата ја уназади состојбата на жените. Не само нашата организација, туку и други организации бевме на првата борбена линија за помош посебно со женскиот интервентен фонд со директна финансиска помош и поддршка на жртвите на родово базирано насилство. Им помогнавме првично со храна и хигиена. Има жени кои ја изгубија својата работа, самохрани мајки кои што немаа како да се прехранат, буквално се правеа пакети со храна и хигиенски производи и средства за дезинфекција за да можат потоа да им се препратат до нивните домови. Дополнително, со губењето на работните места, особено во реалниот сектор многу од жените немаа прилив на финансиски средства и од интервентниот фонд им уплаќавме закупнина за станот, барем за неколку месеци, онолку колку што можевме“, вели за Утрински брифинг, Ана Аврамовска Нушкова, од Нацоналната мрежа против насилство врз жените.
Таа нагласува дека најмалку активности се спроведени за превенција на насилството. Според мониторингот на Мрежата само 3 отсто од активностите се однесуваат на превенцијата, како и специјализираните советувалишта.
„Тие специјализирани советувалишта треба да одговори на потребите на жртвата на насилство и нејзините деца доколку ги има. Мора да има социјален работник, кој што може да биде координатор или раководител на тоа советувалиште и мора да има психотерапевт, и мора да има пристап за луѓе со попреченост, и што е многу важно сите услуги да им бидат бесплатни“, вели Аврамовска Нушкова.
Повеќе од разговорот видете од видеото.