Адријан Муча во „Скопски агол“: На местото на депонијата во Карпош 4 ќе се гради трет дел на Градски парк

Во линковско јавување на „Утрински брифиниг“ во „Скопски агол“ новинарката Елизабета Д. Спасеновска разговараше со директорот на ЈП „Паркови и зеленило“, Ардијан Муча. Tема на разговор беше изградба на трет дел од Градски парк на местото на сегашната депонија во Карпош 4.

– На површина од 60 илјади квадратни метри ќе се гради парк, кој е всушност продолжение од Градскиот парк. Изградбата е влезена во програмата на претпријатието. Чекаме Општина Карпош да ја расчисти депонијата. Градот Скопје е во финална фаза на отворање јавен повик, за доставување на проекти.

Изградбата на паркот, вели Муча, е планирана да отпочне во месец април.

Екипите на претпријатието синоќа по вчерашното невреме интервенирале на повеќе локации.

-Кризниот штаб на Град Скопје беше веднаш свикан, интервениравме на седум локации, каде што имаше паднато дрвја, изјави Муча.