Александар Ристовски – Принц: Музичката индустрија е во тотален колапс

Музичката идустрија е во колапс. Ова подолго трае. Ние сме во една индустрија каде се е неизвесно. Моментот кога се воведоа забраните – престана се, немаше некој празен од, инерција да дозавршиш работи. Нема некој извор да ти стигнуваат средства. Многу од нас кои што стварно се бавевме само со музика, немавме друга опција, нема од каде да ти „капе“, изјави во Утрински брифинг Александар Ристовски – Принц.

Континуирано се работи на паѓање на стандардот на вредностите, генерално во уметноста. Дури и претходно, секогаш се стимулирало она што е „утупувачко“, наместо она што стимулира размислување, филозофија, критичко мислење. Веќе ништо нема да е исто. Музичарите пробуваат да се адаптираат на она што е дигитално. Јас лично сум бил учесник во такви проекти. Но со интернет пласирање, заработувачката е нула. Но ете, го правиме тоа заради задоволство, да развеселиш некого, вели Принц.

Во Македонија имаше кулуминација на сцената. Таа актуелност на наша музика која свитреше насекаде, некако се прелеа во Косово и Албанија. Тоа пред се прелеа заради наши автори. Дарко Димитров, Билбилов, Јован Јованов, јас, и откако таму се создадоа некои хитови, естрадата тамошна се возбуди, но тоа се поголеми пазари, многу повеќе медиуми кои вртат нивна музика. Кај нас е најголем проблем што не постои јазичната бариера. Ние ги разбираме, Бугарите, Србите, Босанците и многу лесно внесуваме кај нас, смета Принц.

Во Македонија кога било најдоброто, сме правеле по 70 до 100 песни во годината. Текстови, аранжмани, вцели песни, сега нарачки скоро и да не постојат, се се работи само на ентузијазам, но далеку од тоа да се нарече бизнис. Може да се каже дека се е тотално колабирано, додава Принц.

Целиот разговор погледнете го во видеото