Ангела Стојановска, Христијан Поп Симонов: Аудио книгите ќе ја вратат навиката да се чита
„Самоглас“ е првата платформа во земјата за аудио книги, чии автори, актерите Ангела Стојановска и Христијан Поп Симонов за УБ рекоа дека освен што ќе им помогне на луѓето со оштетен вид и дислексија, ќе ја врати навиката да се читаат односно да се слушаат книги.
„Сфативме дека досега обемот на овие книги е премногу мал, а се надеваме дека овој формат е поблизок до денешната младина. Денеска живееме во време кое е премногу брзо сите немаат доволно време да посветат за читање, а нашата платформа е помош за остварување на таа потреба. Од друга страна слушањето им помага на луѓето со дислексија подобро да читаат“, велат тие.
Зад идејата на „Самоглас“ се Христијан Поп Симонов, Ангела Стојановска и Васко Костовски од Здружението за афирмација на уметноста „Флуктус“ чиј проект е поддржан од Министерството за култура.