Ангелов: Нема викенд некој да не се изгуби во нашите планини

Центарот за управување со кризи доцна синоќа информираше дека успешно завршила потрагата по двете лица за кои беше пријавено дека се изгубиле во близина на Неолица на планината Баба – Пелистер.

Тимот на Горската служба ги пронашол двете изгубени лица и истите безбедно се донесени во Битола. Лицата се безбедни, без повреди и се малку исплашени. Претходно лицата телефонски пријавиле во СВР Битола дека се дезориентирани во просторот и залутале далеку од пешачката патека.

-За жал факт е дека лошите вести се поинтересни за граѓаните, па и за медиумите. Доколку вчерашниот настан имаше трагичен крај ова утро сите медиуми ќе бруеа. Но, балгодарение на добрата координаца на ЦУК, заврши со среќен крај. Двете лица кои што биле на рутинско планинарење, кога дошле во близина на Битола, кај Неолица се изгубиле. Сега и рано се стемнува, на местото кај што биле темницата направил тие да се дезориентираат и побарале помош од МВР, од каде што е известен нашиот центар во Битола , изјави за Утрински брифинг директорот на Центарот за управување со кризи, Стојанче Ангелов.

-Потоа од страна на нашата дирекција беше известена Дирекцијата за заштита и спасување која што има договор со одредени категории на граѓани за спасување и оттаму е упатен само еден планинар, но воедно нашите служби ја известите и горската служба од Битола, која што со две лица со возило се упатиле кон местото каде што биле лицата.

Целиот разговор погледнете го во видеото