Андоновиќ: Воена и гасна офанзива на Русија

Шеесет и третиот ден од војната во Украина. Украинскиот претседател Володимир Зеленски изјави дека Русија се обидува да ја дестабилизира ситуацијата во регионот на Придњестровје и дека украинските вооружени сили се подготвени за можна ескалација на состојбата во оваа самопрогласена република на територијата на Молдавија.

Според Киев во овој молдавски регион активно работат руските специјални служби,со цел, да се дестабилизира ситуацијата во регионот, да се закани Молдавија. Тие сакаат да покажат дека доколку Молдавија ја поддржи Украина, ќе следат одредени чекори“, изјави украинскиот претседател.

Според Зеленски, Украина е свесна за фактот дека руските војници, кои долги години се присутни на територијата на привремено окупираниот дел на Молдавија, Придњестровје, се во постојана готовност.

Покрај воената Русија започна и таканаречена гасна офанзива Гаспром ја прекина испораката на гас за Полска и на Бугарија

– Русија утрово ја прекина испораката на гас за Полска, јавува Ројтерс, повикувајќи се на податоците на мрежата на оператори за пренос на гас на Европската унија.

Полската компанија PGNiG во вторникот објави дека руската енергетска компанија Газпром ја информирала дека испораките на гас за таа земја преку гасоводот Јамал ќе бидат прекинати денеска во осум часот по средноевропско време.

PGNiG во соопштението рече дека ќе преземе чекори за повторно воспоставување на протокот на гас во согласност со договорот Јамал и дека прекинот на снабдувањето е прекршување на тој договор.Полската компанија додаде дека има право да бара компензација за прекршување на договорот.Претходно Полска објави дека нема да плаќа за рускиот гас во рубли.И Бугарија најави дека Русија ќе ја прекине испораката на гас за земјата, но се уште не се знае дали тоа се случило.

И владата во Софија соопшти дека „Газпром експорт” од четврток ќе ја стопира испораката на гас за Бугарија Сепак според владата на Петков засега не постои закана за енергетската безбедност на Бугарија,и дека бугарската Влада е подготвена со месеци со план за дејствување во ваква ситуација. Бугарското Министерство за енергетика соопшти дека до овој момент во земјата не се воведуваат ограничувања за користење на гас.