Андоновиќ: Ердоган не доби дополнителни пари од ЕУ, со критики кон Брисел дека и дале на Грција 700 милиони евра за заштита од мигрантите
Ердоган упати остри критики кон грчката влада, која од Брисел добила 700 милиони евра за да ги обезбеди своите граници и да се соочи со новиот мигрантски бран.
Состанокот меѓу турскиот претседател и европските челници во Брисел заврши без нов договор бидејќи европјаните останаа на своите позиции дека Турција мора да го исполнува договорите потпишани во 2016 година, а за возврат да ги контролира границите и да не ги пушта бегалците и мигрантите кон Европа.
Европјаните сметаат дека договорената финансиска поддршка за Турција од 6 милијарди евра е доволна и дека Турција не си го почитува договорот односно не ги испорачува договорените позиции за овие пари, смета новинарот Дејан Андоновиќ за Утрински брифинг на „Слободна ТВ“.
Од друга страна Ердоган, чија главна причина за посетата на Брисел беше да побара поголеми финансиски средства од Европа за бегалскат криза видно незадоволен упати забелешки дека ЕУ наместо да и дадат дополнителни средства на Турција и исплаќаат на Грција 700 милиони евра која пак повторно бара помош со цел да се справи со заштита на своите граници.
Ердоган упати остри критики кон грчката влада, која од Брисел добила 700 милиони евра за да ги обезбеди своите граници и да се соочи со новиот мигрантски бран.
Лидерите на ЕУ ја повикаа Турција да ги почитува одредбите околу договорот со кој треба да контролира границата за време на отворените разговори со турскиот претседател Реџеп Таип Ердоган кој престојува во Брисел.
Од друга страна, турскиот лидер бара поголема помош околу состојбата во Сирија. Ердоган одлучи да ги отвори границите и да ги пушти мигрантите и бегалците во Европа, со што го зголемува притисокот врз европските држави. Ставот на Ердоган е дека Анкара сака да ги издигне на повисоко ниво односите меќу Европа и Турција, односно поголема поддршка на Брисел за турската политика во Сирија.
На вчерашниот состанок, Ердоган и двајцата европски лидери го задолжија шефот на европската дипломатија Жозеф Борел и неговиот турски колега Мелвит Чавушоглу да го разјаснат спроведувањето на договорот ЕУ-Турција, како би се увериле двете страни дека имаат исто толкување на договорот, изјави претседателот на Европскиот совет.
Фон дер Лајен по состанокот изјави дела е добро линиите на комуникација меѓу Анкара и Брисел да останат отворени, додавајќи дека договорот од 2016 година, по вчерашниот состанок, и натаму е валиден.
Анкара и натаму смета дека европската помош околу мигрантите е недоволна, за згрижување на околу четири милиони бегалци, кои со години претстојуваат во камповите во Турција.
Во рамките на посетата на Брисел, турскиот претседател се сретна и со челниците на НАТО, од кои, од позиција на земја членка, побара воена помош за судирите во Сирија.