Андоновиќ: Започнува демократската номинација – Берни Сандерс сериозен ривал на Бајден
Најсериозни кандидати за освојување на номинацијата за кандидат за претседателските избори кај демократите се поранешниот потпретседател во администрацијата на Обама, Бајден и сенаторот од Вермонт, Сандерс.
Започнува американската изборна треска.
Демократите започнаа со внатрепартиската борба на кандидатите чие име ќе биде подржано за да му се спротивстави на актуелниот американски претседател од редовите на републиканците кој се бори за реизбор на претседателското место, Доналд Трамп.
Изборите во Ајова се први во процесот за партиската номинација за изборите кои се одржуваат кон крајот на годинава. Демократскиот кандидат формално ќе биде избран во јули годинава со конвенцијата во Милвоки.
Во трка останаа 11 претенденти за претседателската номинација, меѓу кои Џо Бајден, Мајкл Блумберг, Берни Сандерс и Пит Бутиджидж.
Најсериозни кандидати за освојување на номинацијата за кандидат за претседателските избори кај демократите се поранешниот потпретседател во администрацијата на Обама, Џо Бајден и сенаторот од Вермонт, Берни Сандердс.
Според најновите анкети, а во пресрет на номинацијата во Ајова, рејтингот на Сандерс забележа зголемување во однос на останатите кандидати.
Според анкетата на Њујорк тајмс, сенаторот од Вермонт, Сандерс има предност, а го подржуваат 25 отсто од демократските гласачи. Следува кандидатот од Аризона Бутиджидж со 18 отсто, а потоа Бајден со 17 отсто. За разлика од Бајден чија популарност се менува, рејтингот на Пит Бутиджид, новина на политичката сцена, е во пораст.
Почетокот на борбата за номинација во сојузните држави Ајова и Њу Хемпшир се сметаат за важни. Иако во нив има многу малку гласачи, тие сепак играат важна улога во самиот изборен процес. Тие се први а резултатите даваат реална слика и проценка на популарноста на кандидатите и нивната можност да привлечат гласови. Ова го истакнува во својата анализа новинарот Дејан Андоновиќ на Утрински брифинг на „Слободна ТВ“.
Претходните години многу кандидати се откажуваа од борбата во текот на февруари. Тоа најмногу се должеше поради очајните резултати во Ајова и Њу Хемпшир.
Дејан Андоновиќ
Доколку победи на предизборите во Њу Хемпшир каде ќе се гласа по Ајова, Сандерс би бил многу поблиску до освојување на номинацијата.
Ова е оценка на Њујорк Тајмс кој потсетува дека Блумберг кој во кампањата потрошил над 260.000.000 долари, го чека т.н супер вторник во почетокот на март, за тој да се запише во демократската трка за гласачи.
Се работи за првиот вторник во март кога 13 сојузни држави организираат избор на партиските кандидати. Резултатите од тоа гласање кое се одвива во исто време веќе навестуваат кој од кандидатите има најголема шанса на изборите. Тогаш нивните штабови започнуваат со тактиката за промени во кампањата.
Бајден, кој повторно се кандидира за претседателска номинација на демократите, претходно вети дека ќе го поддржи демократскиот кандидат. За време на тековната кампања истакнуваше дека „пеколно ќе му помага” на секој од неговите ривали. Целта е да го победи актуелниот претседател Доналд Трамп.
Ривалката на Сандерс во трката за номинација на демократите во 2016 година Хилари Клинтон одби да каже дали ќе го поддржи доколку биде номиниран. Дури и го осуди неговиот политички стил.