Андоновиќ: Како резултат на игнорирањето на здраствените протоколи Иринеј стана втор висок црковен великодостојник на СПЦ жртва на Ковид
На 90 годишана возраст утринава на ВМА во Белград почина патријархот на Српската православна црква Иринеј.. Тој беше тестиран позитивен на коронавирусот на 4 ноември, а веќе следниот ден беше хоспитализиран. Патријархот вчера беше во исклучително тешка состојба и беше поврзан со уредите за одржување на работата на виталните органи. Српската православна црква во четвртокот на својата веб-страница објави дека состојбата на патријархот на Српската православна црква е влошена и дека покрај другите, за неговото здравје се грижат и руски лекари. Досега имаше неколку информации во врска со здравствената состојба на патријархот, една од нив беше дека неговата состојба е влошена, а потоа, беше објавена информација дека неговата состојба се стабилизирала.
Сепак, ситуацијата се променила, паднало нивото на кислород во крвта на патријархот, по што неговата состојба се влошила. Иринеј заврши во болница четири дена откако го предводеше погребот на црногорскиот митрополит Амфилохие во Црна Гора. 83 годишниот Амфилохие почина на 30 октомври како последица на Ковид-19. Литургијата тогаш ја предводеше Патријархот Иринеј а и покрај жестоките критики дека има голем број насобрани граѓани и дека не се запазенипротколите за погреб на починат од зразан болест, погребот беше изеден со сите верски обреди. Тогаш јавноста им забележуваше на црковните власти дека ковчегот на Амфилохије иако починат од заразната болест Ковид бил отворен како и дека голем број на верници својот последен поздрав кон упокоениот митрополит го направиле со бакнување, ризик за пренесување на болеста. Овие критики беа игнорирани од страна на Црквата но и на српскиот државен врв кој присуствуваше на погребот.
И српскиот претседател Вучиќ и лидерот на босанските срби Додик, како ицелата српска елита, на погребот не носеа заштитни маски, нешто за што во други прилики секојденво апелираат. Губењето на двајца високи црковни великодостојници на СПЦ во рок од 20 дена го подига алрамот дека треба серизоно и во секоја прилика да с е спорведуваат протколите за заштита од Ковид. Алрамот е вклучен а Србија за денеска најави итна седница на Кризниот штаб поради Ковид-19, Оценката на властите во Белград е дека ситуацијата е „катастрофална“ и дека постои голем ризик од колапс на здраствениот систем . Во Србија вчера беше регистриран најголем број на заразени лица од почетокот на пандемијата – 6.109, а починаа 29 лица за 24 часа. Се очекува во текот на денот Кризнот штаб да донесе одлука за целосно затварање на Србија по 18 часот.