Андоновиќ: Коронавирусот покрај економски и политички ќе влијае и врз геостратегијата и безбедноста во светот
И покрај формалните апели на политичките челници во земјите, вели Андоновиќ, сепак има и изјави за обвинување на одредени држави, дека не се однесуваат одговорно во оваа ситиација.
Државите во светот се подготвуваат за заштита од евентуално ширење на коронавирусот, од кој досега починаа 2.763 лица, а се заразени 80.970 лица, најмногу заразени во Европа има во Италија каде што починаа 11 лица, а позитивни на вирусот се околу 300. Први случаи се забележани и во Хрватска, Швајцарија и Австрија.
Според последните информации Хрватска го потврди и вториот заболен пацинет од корнавирусот.
Во Велика Британија, но и во другите европски земји, учениците кои се враќаат од екскурзија се советуваат некое време да останат дома. Исто така, издадени се препораки да не се патува во Италија. Властите во САД соопштија дека очекуваат ширење на заразата од новиот коронавирус наречен Ковид-19 и ги повикаа училиштата, компаниите и локалните власти да размислат за мерките на претпазливост како што е откажување јавни настани. Нови случаи на вирусот се забележани и во Хонгконг, Бахреин, Тајланд, Филипини и Јапонија.
-Покрај економските импликации, се чини дека појавата и ширењето на вирусот удри и врз безбедноста на земјите, каде има појава од заболени. Забележана е паника во одредени држави, како што е случајот со Италија, каде масовно се купуваат намирници, но и заштитни маски и средства за дезинфекција, како да е предвоена состојба. Истото се случува и во Љубљана, каде масовно се празнат рафтови од супермаркети. Во Италија властите веќе почнаа и со санкции на честата појава, овие намирници да бидат скапо продавани, што само укажува дека ситуацијата може да излезе од контрола- анлизира новинарот Дејан Андоновиќ во „Утрински брифинг“ на „Слободна ТВ“.
И покрај формалните апели на политичките челници во земјите, вели Андоновиќ, сепак има и изјави за обвинување на одредени држави, дека не се однесуваат одговорно во оваа ситиација.
-Вашингтон не пропушти да го обвини Иран дека оваа држава наводно крие податоци и инфомрации за тоа како се шири вирусот во оваа држава, индиректно обвинувајќи ги Техеран како безмалку да е тој виновникот за појавата на коронавирусот. Корноавирусот секако во наредниот период ќе биде доминантен во светските анализи од здравствен, економски, но се чини и геостратешки аспект, што сигурно ќе биде искористено од големите сили за своите интереси и потреби- анализира Андоновиќ.