Андоновиќ: Макрон со порака до Украина сама да донесе одлука за територијални отстапки кон Русија

Украина треба сама да одлучи дали ќе прифати какви било територијални отстапки за Русија за да се стави крај на војната, изјави францускиот претседател Емануел Макрон во интервју за телевизијата TF1 за време на неговата посета на Киев. „Се зависи од Украина и таа треба сама да одлучи“, рече Макрон, одговарајќи на прашањето кои отстапки, вклучително и на нејзината територија, Украина треба да ги прифати, пренесува Ројтерс.

Тој е на мислење дека нивна должност е да се придржуваат до вредностите на меѓународното право. Макрон рече дека Франција и Германија нема, да водат разговори за примирјето во Украина со Русија во име на Киев, туку преговорите треба да се водат директно меѓу Украина и Русија „Ниту тој нема да понуди никакви отстапки во име на Украина или да разговара за нив“, рече Макрон на прес-конференција во Киев, пренесе ТАС С. На Украина и нејзиното раководство да одлучи кога и под кои услови ќе ги продолжат разговорите со Москва, рече Макрон.

„Кога ќе дојде време да се собереме на преговарачката маса, Европа ќе разговара за безбедносните гаранции кои произлегуваат од меѓународните договори, кои украинскиот претседател ќе ги спроведе во име на својата нација“, рече Макрон, додавајќи дека тоа ќе доминира во идните разговори со Русија.

„Сега станува збор за безбедност на целиот европски континент“, рече Макрон. Тој исто така рече дека Франција, како и Италија, Романија и Германија, чии лидери денеска исто така се во посета на Киев, ќе продолжат да ја поддржуваат Украина онолку долго колку што е потребно. „Европа не се обиде да предизвика глобален конфликт, па затоа се ограничи на економски санкции и политичка поддршка за Киев“, рече Макрон.