Андоновиќ: Навални, нова провокациска доктрина или рестартирање на односите на САД и Русија
Над 3500 уапсени од кои 300 малолетници е билансот од масовните протести кои изминатиов викенд беа одржани во 110 руски градови на приврзаниците на рускиот опозиционен лидер Алексеј Навални кој беше уапсен по неговото враќање од Германија во Русија на московскиот аеродром на 17 јануари. Навални се наоѓаше на лекување во Германија откако летоска поради наводно труење беше хоспитализиран на руските клиники но откако изрази недоверба во руските лекари побара и му беше одобрено да се лекува во Германија. Руските власти пак кои го теретат Навални за низа кривични и финансиски претсапи го осудија на две условни затворски казни од по 5 години и му дадоа рок најдоцна до 30 август да се врати од лекувањето во Германија во Русија. Откако Навални не го испочитува рокот за враќање , според руските закони условната му беше преиначена во затворска казна, па поради тоа тој и беше уапсен веднаш по неговото враќање.
Засега остануваат како предмет на шпекулаиции мотивите зошто Навални се врати во Русија и покрај што знаеше, но и му беше најавено дека доколку дојде веднаш ќе биде уапсен. Идникативен е и тајмингот на неговото враѓање, 17 јануари, три дена пред официјалното преземање н претседателската функција на новиот претседател на САД Џозеф Бајден кој веќе најави дека нема така блаконаклоно да гледа кон , како што изјави, политиката на Москва како што тоа го правеше неговиот претходник Доналд Трамп. Познато е дека Трамп беше противник на кинексата политика, додека новата амдинистрација и Џо Бајден,политичари кои не се подготвени да прават компромиси со Русија и Владимир Путин. На само ден откако Бајден ја прзеде функцијата , тој најави дека за разлика од претходните претседатели, тој нема да ги „рестартира“ односите со Русија. Според американските медиуми, администрацијата на Бајден подготвува „нови мерки“ во одговор на агресивните дејства на Москва.но откако Бајден ќе ги разгледа разузнавачките оценки побарани да се сработат од новото раководство на на Националното разузнавање.Се работи за оценките за наводната руска вмешаност во изборите на САД во 2020 година, употребата на хемиско оружје против рускиот опозициски лидер Алексеј Навални, распишаните руски потерници за глави на американските војници во Авганистан, како и за неодамнешниот масивни сајбер напад врз државни агенции и компании, Дотогаш и САД и ЕУ како и голем број на западните земји ја осудија употребата на сила на полицијата врз демонстрантите подржувачи на Навални, а во неколку западни и балкански држави како што е Црна гора, беа одржани и протести за негово итно ослободување. Од друга страна Руското МНР ја обвини американсата амбасада во Москва дека стои зад протестите кои за време на викендот се одржаа во руските градови. Москва го обвини Вашингтон дека грубо се меша во внатрешните работи на Рсуија сакајки да го релизира таканареченото белоруско сценарио на протести и да иницира незадвлство на граѓаните против демократски избраната власт во Москва.
Руското МНР обвини дека на веб сајотот на американската амбасада во Москва бил објавен список на локациите каде да се собраат незадоволните демонстранти кои треба, како што обвини Москва, насилно да протестираат. Москва обвини за провокациска доктрина на Вашингтон за стимулирање протести која нема да ја толерира. Дополнителни тензии на нарушените односи меѓу Русија и САД предизвикаа и информациите дека американската армија започнала со трупање на воени сили во области на Сирија, во реоните од каде администрацијата на претходниот претседател Трамп ги стопираше воените дејствија, и кои беа преќутно договорени како руска зона на интерес. Новото распоредување, Москва го толкува како дополнителна американска провокација и зголемување на тензиите во односите на двете супер сили кои можат да ја вратат и атмосферата на студената војна од минатиот век.