Андоновиќ: На раб на конфликт – Русите распоредија воени сили, САД испратија два воени брода

Два американски воени брода треба да пристигнат на Црното Море оваа недела, што претставува знак на поддршката што администрацијата на претседателот Бајден и ја дава на Украина. Се повеќе се стравува дека рускиот претседател Владимир Путин размислува за напад врз соседот Украина. Москва започна со распоредување на руски воени сили, тенкови и ракети долж границата со Украина. Распоредување на околу 40 илјади руски трупи преставува најбројна и најсилна воена формација од анексијата на украинскиот полуостров Крим во 2014 година, Според украинските и американските разузнавачки извори Русија од минатито мсец досега спровела најмалку три воени вежби долж украинската граница.

Вежбите треба да ги синхронизираат и уиграат руските борбени единици за евентуалното влегување на Украинска територија и анектирање на областа на Доњецк и Луганс каде живее бројно руско население Минатата недела, за прв пат од преземањето на претседателската функција, Бајден телефонски разговараше со неговиот украински колега Володимир Зеленски. Според изјавата на Белата куќа, „тој ја потврди својата силна американска поддршка за украинскиот суверенитет и територијалниот интегритет во светло на продолжувањето на руската агресија во Донбас и Крим“. Испраќањето воени бродови до Црното Море треба да ја истакне таа поддршка. Судирите меѓу украинските сили и проруските бунтовници во украинската област Донбас ескалираат од крајот на јануари, а високиот официјален претставник на Кремљ Дмитриј Козак предупреди дека целосната ескалација на конфликтот најверојатно ќе претставува „почеток на крајот“ за Украина И Киев и западните земји оценија дека изјавата на Козак претставува закана. Од друга страна портпаролот на Кремљ Дмитриј Песков, , ги негирапе наводите за трупање на силите на руската армија , но потсети дека Русија има право „да ги преместува своите вооружени сили преку својата територија“ кога колку и како сака..

За време на посета на Донбас минатата недела, украинскиот претседател ги рпедупреди украинците за „голема ескалација“ на судири со Русија Во саботата во регионот загина украински војник, а еден е повреден, соопштија украинските воени претставници. Ова е четврта украинска жртва на борбите во Донбас само овој месец. Украинците соопштија дека војникот бил убиен откако проруските сили отвориле оган со автоматски фрлачи на гранати и минофрлачи од 82 милиметри, што се забранети со мировниот договор од Минск, договор потпишан во 2014 година, кој често се крши Киев стравува дека рускиот претседател Путин поттикнува криза во Украина за да ги обедини Русите против надворешниот непријател пред парламентарните избори во септември, како и да го сврти вниманието од внатрешните проблеми, како што е притворањето на опозицискиот активист Алексеј Навални, е оценката на Киев и на Вашингтон Русија, од друга страна, тврди дека Киев подготвува офанзива против бунтовниците и се заканува дека ќе им помогне на населението во сепаратистичките зони, каде се дистрибуирани стотици илјади руски пасоши. Во петокот, Путин ја обвини Украина за „опасни провокации“ во Донбас. Русија исто така испрати предупредување до земјите да не продаваат оружје на Киев.

Засега останува енигмата дали Москва во моментов навистина има намера да започне воена офанзива или само сака да ја тестира одлучноста на Западот и прозапдната влада во Киев. Не се исклучува и опцијата дека распоредувањето воени сили може да биде дел од изборната стратегија пред парламентарните избори во Русија во септември. Популарноста на Путин опаѓа, а неговата партија „Единствена Русија“ може да има лош резултат на изборите. Аналитичарите проценуваат дека предизвикувањето на вонредна состојба, без водење целосна војна, може да ги подобри изгледите за партијата на Путин и да и овозможи да го искористи бранот на патриотизам. Сепак, не се исклучува и можноста Москва да сака краток, но ограничен конфликт идентичен на оној во 2008 година во Грузија кога тогашниот претседател Михаил Саакашвили одговори на провокација од Јужна Осетија и интервенираше, што доведе до Руска вооружена интервенција и уривање на прозападниот Сакашвили од власт. Украинските сили и проруските сепаратисти се борат за контрола врз источна Украина од руската анексија на Крим, а во конфликтот загинаа повеќе од 14.000 луѓе.