Андоновиќ: Хрватска, Турција, Унгарија – Кој ќе го блокира членството на Шведска и Финска во НАТО?

Откако неутралните Финска и Шведска доставија барање до НАТО за менување на својот неутрален статус и постојано членство во алијансата, се појавија неочекувано неколку земји кои не се согласуваат со ваквото барање на Стокхолм и Хелсинки.

Многумина очекуваа дека овие две нордиски држави како целосно подгтовени и со исполнети критериуми, треба само да посакаат и веднаш ќе бидат примени како постојани членки на северноатланската алијанса.

Но, изненадувачки се појави голем отпор меќу самите земји членки. Веројатни најголемо изненадување дојде од Загреб. Имено, тамошниот претсгедател Зоран Милановиќ, наспроти владината политика на Загреб излезе и јавно порача дека се противи на членството на овие две држави во НАТО и дека го задолжил хрватскиот амбасадор во НАТО да гласа против влегувањето на Шведска и Финска во алијансата.

Хрватскиот претседател Зоран Милановиќ изјави дека идното членство на Финска и Шведска во НАТО ќе зависи од тоа дали ќе се промени Изборниот закон во БиХ, како и од тоа дека Загреб ќе го блокира приемот на двете земји во алијансата, јави новинската агенција Киев Индипендент. на Твитер.

Во соопштението на оваа агенција на Твитер се наведува дека Милановиќ посочил дека ги „уништуваат“ Хрватите во БиХ како политички субјект.
И Турција најави дека ќе го блокира членствот на Финска и Шведска во НАТО.

Турскиот престедател Реџеп Таип Ердоган постави десет услови за да нема приговори за приемот на Шведска и Финска во НАТО.

Меѓу другото, Турција очекува и разјаснување на пристапот на двете земји, кога станува збор за Курдистанската работничка партија и прекинување на активностите на раководството на групата во тие земји, вклучително и во Парламентот.

Анкара повикува и на запирање на финансиската поддршка за сириските курдски Сили за заштита на народот.

Меѓу барањата е и прекин на активностите за дезинформација, предводени од членовите на ФЕТО, организација обвинета за обидот за државен удар во Турција во 2016 година, по кои трагаат турските власти. Се бара забрзување на екстрадицијата на членови на курдски групи. Од Турција предлагаат и меѓусебни иницијативи за воспоставување механизам за блиска соработка и редовни консултации со земјата за тероризмот.

Како услов, Анкара става крај на шверцот со пари во двете земји на структури поврзани со терористички организации и блокирањето на нивните сметки. Се очекува и Шведска и Финска да попречат какви било собирање средства и антитурски иницијативи на групи, кои се претставуваат како невладини организации, наведуваат турските медиуми.
Листата со десет барања на Турција, допрва треба да им биде претставена на соговорниците, се наведува во текстот.

Сепак останува дца се види како сојузниците пред се САД ќе реагираат на ваквите најави на овие две држави членки на НАТО за блокада на приемот на двете нови , геостратешки важни членки апсиранти. Проблемот може дополнително да се зголеми доколку уште некоја држава члека , како Унгарија или можеби Бугарија пројават исто негодување за членството на Финска и Шведска во алијансата.

Финска и Шведска вчера официјално ги поднесоа своите апликации за влез во НАТО, со што започна пристапниот процес кој се очекува да трае само неколку недели. Двете земји беа неутрални за време на Студената војна.

Реакцијата на Русија за влезот на Финска и Шведска во НАТО ќе биде пропорционална со присуството на Алијансата на територијата на тие две земји – истакна претседателката на Советот на Руската Федерација Валентина Матвијенко.

Москва смета дека одлуката на Шведска и Финска е донесена под притисок на Западот, пред се на САД и НАТО и дека влезот на двете земји во Алијансата ќе има негативно влијание врз политичката ситуација во Европа.