Андоновиќ: Цената на нафтата ги подига тензиите на Блискиот исток и отвора простор за нови конфликти
По рекордниот пад на цената на американската нафта , се стравува дека може да дојде до зголемување на, и онака големата напнатост на Блискиот исток
Падот на цената на нафтата не значи дека дека горивото ќе биде со пониска цена за потрошувачите, но државите на кои нафтата им е единствен и главен извозен производ со сигурност ќе се соочат со големи економски проблеми.
Тие држави се договорија во април годинава дека ќе ги стабилизираат цените, но се покажа дека нивниот договор доаѓа предоцна. Сето тоа како резултат на неочекуваната пандемија на коронавирусот и смалената побарувачка на горивото наспроти големите производствени резерви.
Се стравува дека состојбата со нафтата ќе ги зголеми тензиите на Блискиот исток. Од страна на Иран од кој се очекува да го зголеми притисокот врз американската морнарица распоредена во Персискиот залив и заканите дека би можел да ги употреби своите проектили против американската морнарица и нејзините сојузници на Блискиот исток. Оваа криза може да предизвика и економски колапс и мотив за возобновување на политички и радикални движења во државите на Блискиот исток.
Неколку држави во Персискиот залив зависат од трговијата со нафта.. Саудиска Арабија, Обедиентите Арапски Емирати, Иран Кувајт Катар Оман и Бахреин, но и други држави како што се Алжир и Азербеџан.
Во некои од овие држави како Саудска Арабија и Ирак во нивното БДП доминира нафтата. Ниту една од овие држави досега не успеа да создаде нови работни места, ниту пак друга гранка на економијата што не е поврзан со нафтата што им создава дополнителен финансиски, а потоа и државен и безбедносен проблем. Проблеми како резултат на падот на цената на нафтата ќе има и Ирачката Курдинстанска автономна област која преживува исклучиво од нафтата, и финансиски и политички.
Од друга страна пак државите како Јордан, Египет, Либан и Турција може да профитираат од ниските цени на нафтата бидејки ќе им се намалат трошоците за увоз на енергија и намалување на инфлацијата. Падот на цената на нафтата е веројатно прва од многуте кризи и тензии кои го чекаат невралгичниот регион на Блискиот исток.
Повеќе земји членки на ОПЕК и други производители на нафта надвор од организацијата одржаа видео конференција за „драматичната состојба“ на пазарот со нафта, чии цени забележаа историски пад поврзан со коронавирусот. Учесниците ветија дека ќе го прилагодат производството на нафта според договорот постигнат на 12 април, кој предвидува намалување на производството од 9,7 милиони барели на ден од мај. Цените на нафтата паѓаат неколку недели како резултат на ограничувањата за движење воведени во многу земји и парализата на економиите предизвикани од пандемија на коронавирусот, поради што нема побарувачка. Завчера цената на американската нафта беше во негатива за прв пат во историјата, а тоа е знак дека поради малата побарувачка нема место за складирање на нафтата.