Антонио Јовановски од Гоу Грин: Коронавирусот, климатските промени се сериозно предупредување за нашата иднина

Во светски рамки се бележи намалување на честичките кои беа штетни по природата. Индустријата, греење во домаќинствата, транспортот се едни од компоненетите кои влијаат на загадувањето. Вчера читав една студија во која се вели дека ПМ честичките влијаат на ширењето на Коронавирусот, така што треба и ова да се земе предвид.

Периодов планиравме настани во средните училишта за поголемо користење на сончева енергија во образовните институции, како и справувањето со предизвиците од климатските промени. За жал оваа состојба нема тука да заврши, бидејќи климатските промени мора посериозно да се сфатат, да се прилагодиме на нив, изјави за Утрински брифинг, извршниот директор на Гоу Грин, Антонио Јовановски.