Атанасовски: Заев е прв кој што собрал храброст да ги решава проблемите со соседите, но Бугарија поставува едни ирационални, бизарни услови за Македонија

– Искрен да бидам мене ми е симптоматично однесувањето на челниците од ЕУ, бидејќи на случајот со пристапувањето на Македонија е малку бизарен. Мината есен сите земји членки на ЕУ беа Македонија да ги почне преговорите, тогаш се противеше единствено Франција и претседателот Макрон, а тогаш немаше никакви најави од Бугарија дека ќе го проблематизираат почетокот. Една година подоцна никој не прави проблем и одеднаш се создава еден голем нерешлив проблем, каде што Бугарија поставува едни ирационални, бизарни, тенденционистички услови за Македонија да ги отпочне преговорите. Едни услови кои немаат врска со Копенхашките критериуми, изјави во Утрински брифинг историчарот и аналитичар Благојче Атанасовски кој додаде дека сето ова што се случува е крајно несериозно од страна на Европската унија.

– Кога Македонцвите ја голтнаа кнедлата со промената на уставното име, одеднаш се појавува нов проблем. Крајно сум разочаран од односот на ЕУ и бугарската политичка елита, бидејќи како што гледаме премиерот Заев е прв кој што собрал храброст да ги решава проблемите со соседите, каде што наративот во нашата јавност е дека тие држави имаат проблем со нас, но поради асиметричноста на ситуацијата во која се наоѓаме потпишавме договори со Грција и Бугарија, надевајќи се дека ќе се решат напластените проблеми, но гледаме тотална некооперативност од бугарската страна, вели Атанасовски и додава дека и еден Љубчо Георгиевски, кој во бугарската јавност важи како бугарофил, сам призна дека немал толкава храброст да ги отвори овие прашања како Заев.

Целиот разговор со историчарот и аналитичар Благојче Атанасовски погледнете го во видеото.