Бабовски: Граѓаните јадат безбедно овошје и зеленчук
Целиот процес на работа се одвива нормално. Увозот и извозот на прехранбени продукти се одвива тековно, секако како што налага ситуацијата. Нема рестрикција на вработени, луѓето професионално си ја работат работата.
Секојдневно се вршат испитувањата во маркетите, пиљарите, се врши редовна контрола и никогаш не бил бројот на мострите земен да повеќе од десет мостри имаат некави минимални количини на резидуи кои не се опасни по здравјето на луѓето. Се контролираат и магацините за чување на овошјето и зеленчукот, дистрибутивните центри и преработувачките капацитети. Прометот со овошје и зеленчук дополнително се контролира во рамки на инспекциските контроли на мешовитите продавници, кои вклучуваат и трговија со овошје и зеленчук и преработки од нив.
Така што одговорно тврдам дека се она што е во нормална продажба е здраво и нема потреба граѓаните да се грижат, дали внесуваат, како што напиша еден портал, отрови дома. Тоа е далеку од вистината, изјави во Утрински брифинг Николче Бабовски, директор на Агенција за храна и ветеринарство.
Целиот разговор со првиот човек на Агенцијата за храна и ветеринарство погледнете го во видеото