Барањето евтина алтернатива може да чини скапо – грејната сезона голем предизвик за граѓаните

Економската криза, неизвесноста со цената на електричната енергија, почетокот на грејната сезона ги фати неподготвени граѓаните кога е во прашање загревањето на станбените објекти.

Голем број од нив изминатите години инвестираа во инвертер клими како замена за печките на цврсто гориво, стимулирани од еколошките програми на државата, но новонастанатата ситуација со право ги натера да размислуваат на алтернативни начини на загревање на домовите.

Кој успеа да обезбеди огревно дрво на време добро, но останатите брзајќи по итно решение се одлучуваат да купат печки на плин како поевтина алтернатива.

Но доколку производот кој што го купуваат е со сомнителен квалитет и без потврда за одредени стандарди тоа може скапо да ги чини. На оваа тема во Утрински брифинг разговаравме со Командантот на Бригадата за Противпожарна Заштита на Град Скопје, Владимир Симоновски.

-Алтернивните решенија што се наметнуваат ќе дојдат до тоа граѓаните на алтернативни начини на греење. Не е само до плинските уреди кои што можат да предизвикаат опасност.

-Тука се оџаците за кои апелираме да се чистат, затоа што опасноста од настанување на пожари е поголема.

-Околу плинските уреди нормално дека треба да се внимава од каде се купуваат, затоа што упаствата за употреба и сервисирањето на самите боци мора да бидат сертифицирани, изјави за Утрински брифинг Симоновски.

Целиот разговор погледнете го во видеото