Билјана Црвенковска: Денешните деца не сакаат да читаат зашто книгите се застарени
Книгите за деца се’ уште се несоодветни и затоа децата не сакаат да ги читаат, вели писателката Билјана Црвенковска. „Модерните книги за денешните деца треба да содржат приказни кои ќе овозможат децата да се идентификуваат во денешно време, многу малку книги кај нас се такви што ќе создадат читателски навики кај младите“, вели Црвенковска. Првиот роман за возрасни на Црвенковска „Девет приказни за госпоѓица Сит“ ќе биде промовиран во рамки на фестивалот ArtArea 3, кој се одржува од 24 до 26 Јануари во Кино Култура. „Не се наоѓам во реалистичните приказни и книгите за деца ретко се реалистични, обично се фантастика. Кога размислував за овој рман за возрасни мислев на епска фантастика, но вториот жанр во кој сакав да истражувам е магичниот реализам. Романот го градев три години и решив тој да биде напишан како магичен реализам“, вели Црвенковска.