Бошњаковски: Силното мнозинство е одлична шанса за Курти да ги направи неопходните реформи во Косово

Изборите на Косово многумина ги нарекоа земјотрес во регионот, поради одредени внатре-политички но и надворешно-политички прилики. За прв пат во косовскиот Парламент имаме доминација на една политичка партија, каде Албин Кутри има околу 56 пратеника, што е скоро 50% во Собранието од 120 пратеници. Од друга страна има цела плејада на опозициски партии од албанскиот блок и од заедниците. Оваа позиција на Курти ќе му даде поголема слобода во креирањето на владата, односно сите ќе мора да дојдат кај него и да молат да бидат во владата. За разлика од минатото сметам дека овој пат ќе биде многу лесно да се состави влада и плус таа влада ќе биде стабилна на подолг рок. Во минатото имавме доминација на две до три позициски партии и многу долго траеа преговорите за коалиции и кога ќе се содадеше коалиција таа многу брзо паѓаше. Сега според мене ќе биде многу интересно што ќе се случува во опозицијата. Партија на Хашим Тачи најваи дека ќе води битка на два фронта – доминација во опозицијата и идна владејачка партија, изјави во Утрински брифинг, магистер по меѓународно право, Владо Бошњаковски и додаде дека ова силно мнозинство е одлична шанса да се направат реформи во државата.

Говорејќи за косовско-српските односи и вмешувањето на САД во преговорите Бошњаковски смета дека разликата на Трамп и на Бајден е во прагматичноста.

Администрацијата на Трамп беше отворена за идејата како размена на територии, за разлика од оваа на Бајден која мислам дека ќе биде поомалку склона кон вакво решение. Јас мислам дека во догледно време ќе нема пробив по ова прашање, зошто договорите потпишани во Вашингтон помеѓу Косово и Србија ова лето, на некој начин даваат едно плато за развој на односите во оваа фаза – сега ќе треба да се работи на подобрување на инфраструктурата, заедничка енергетска политика, политички прашања како наоѓање на исчезнатите лица. Мислам дека овие договори даваат рамка за развивање на косовско- српските односни во наредните 5-10 години, така што не верувам дека е во агенда некое брзо признавање на Косово, смета Бошњаковски.

Околу македонско-бугарските односи, Бошањоковски вели дека и двете земји имаат интерес од влез на Северна Македонија во ЕУ, затоа што тогаш Бугарија би имала сојузник во европските институции, па Македонија, Бугарија, Србија , Хрватска ќе можат да ги усогласуваат своите интереси и да настапуваат како еден заеднички блок – пандан на Вишеградската група.

Целиот разговор погледнете го во видеото