Васева: Младите уметници да се охрабрат да конкурираат за наградата ДЕНЕС зашто овозможува меѓународни резиденции
Престижната интерационална манифестација, доделувањето на наградата ДЕНЕС за млади визуелни уметници до 35 години, која се состои од двомесечна резиденција во Њујорк, САД за добитни(кот)/чката, ќе се одржува во текот на април во неколку фази.
„Наградата ДЕНЕС се доделува веќе 15-ти пат во нашата земја и веќе има заснована структура, слично како и во 12-те земји во југоисточна Европа има неколку фази: во првиот дел, ос сите пристигнати пријави жири комисијата одлучува за четири финалисти, а во вториот дел од четирите избрани финалисти или финалистки одлучува за победникот. Тој престојува два месеци во Њујорк, во резиденцијата „Unlimited“, кадешто има средби со куратори, историчари на уметност, критичари, претставувања на својата уметничка практика, запознавање со уметничката сцена во градот. Се работи за навистина уникатна награда, бидејќи во змејава немаме таква награда од ваков вид. Организатори во нашата држава се организациите Факултет за работи што не се учат и Центарот за современи уметности – Скопје, а наградата кај нас стана биенална, односно се доделува на секои две години затоа што не многу млади уметници имаа интерес за оваа награда.
Долго време се прашувавме зошто пристигнуваа само од 10 до 15 пријави и утврдивме дека една од причините е дека младите уметници чувствуваат притисок и истовремено страв да ја споредат својата практика со другите уметници, односно дека програмата во Њујорк ќе ја добие само уметник кој има мултидисциплинарен пристап. Но тоа не е случај, ние ги прифаќаме сите различни видови на уметнички изрази, така што апелирам младите уметници во иднина задолжително да се пријавуваат бидејќи она што го нуди нашата организација не е само престојот во Њујорк, туку се обидуваме да направиме и уметнички резиденции и во другите европските држави и тие што не ја добиле наградата ги вклучуваме во други програми“, вели за Утрински брифинг, Ивана Васева, историчарка на уметност и кураторка.
Таа информираше дека изложбата на четирите годинешни финалистки за наградата ДЕНЕС, младите уметнички: Ана Јовановска, Ана Лазаревска, Симона Манчева и Елена Чемерска како и доделување на наградата ДЕНЕС ќе се одржи онлајн, а на 29 април ќе биде познато името на добитничката на наградата.