Васева: Фестивалот АКТО започнува нова платформа „Современи (не)демократии“, со фокус на јавните простори
На 16. издание на АКТО започна „Современи (не)демократии“, интердисциплинарна платформа за едукација и продукција на современа уметност . Фестивалот го организира „Факултет за работи што не се учат – ФР~У“. Првиот дел од програмата започна со работилница „Изгубено и најдено“.
„АКТО отвора двогодишна програма која ја нарековме „Свремени (недемократии). Тие недемократии демнат од секој агол, едвај чекаат да се појават и да ги загрозат нашата слобода на говор, правото на изразување, правото на јавен простор, слободата на културно уметничко создавање, правата на културните работници итн. Веќе ги почнавме активностите од оваа програма, осум пати во главната пошта го изведовме перформансот „Драга републико“ и со тоа ги начнавме овие теми кои се однесуваа на еден конкретен случај – Поштата, како културно наследство , но и како институција. Утре (сабота, 6 ноември) во дворот на Општина Центар ќе се одржи изложбата „Современи (не)демократии – Исчезнување на јавниот човек“ и ќе го изложиме она што го работевме изминатиов период од шест месеци, а тоа е истражувањето на плоштадот, нашиот централен скопски плоштад „Македонија“ низ повеќе призми, односно плоштадот како агора, јавен простор за слобода на изразување. Нашата теза е дека стеснувањето на јавниот простор ја истиснува демократијата и ја намалува слободата на говор. Сето тоа го истражувавме низ урбанистичко архитектонски аспекти, односно менувањето на плоштадот во изминатите 30 години, како и проектот „Скопје 2014“ како највидлива манифестација на тие современи недемократии, но секако дека постојат процеси кои тлеат подлабоко и кои што довеле до тоа. Идејата е да видиме кои се тие процеси и да се обидеме да направиме нешто во врска со тоа.
Исто така, овојпат фестивалот има силна едукативна компонента преку соработката со официјалните образовни инстиуции,односно имаме меморандум за соработка со Факултетот за драмски уметности од Скопје, соработуваме со професори до Факултетот за ликовни уметности и со Архитектонскиот факултет и правиме три интензивни работилници со истражување на конкретни случаи. Веќе беше Академијата за драмски уметности од Прага, ќе соработваме со Институтот за аритектура и урбанизам од Берлин и со колективнот „Лигна“ од Хамбург“, вели за Утрински брифинг, Ивана Васева, кураторка и програмска директорка на фестивалот.