Виктор Мизо за УБ: Треба да ги чуваме работниците!
Сите веќе се навикнавме со внимание да ги следиме здравствените билтени. Ќе помине веројатно уште една недела кога ќе почнеме да ги следиме и билтените на економските движења и можностите и шансите пандемијата од Корона вирусот да не се одрази катастрофално во светот, бидејќи мала Македонија 70% од својот БДП го остварува преку стоковата размена со светот.
Кај нас состојбите можат да бидат и позитивни и негативни со оглед на фактот дека Македонија има значително голем број на вработени и големи капацитети во слободните трговски зони, а од таму доаѓаат сигнали дека некои компании им овозможија на своите вработени неплатен одмор додека не се санираат можните последици од пандемијата.
Гостин во Утрински брифинг беше Виктор Мизо, поранешен економски промотор во Владата на Груевски сегашен генерален менаџер на „Костал“.
Запрашан дали е можно да се работи во вакви услови, бидејќи странските партнери во ТИРЗ се ориентирани кон автомобилската индустрија која е во слободен пад, и прогнозите за евентуалните сценарија за последиците од Коронавирусот, Мизо за Утрински брифинг изјави дека кризата со овој вирус во автомобилската индустрија започнал пред девет недели.
Сите оние ланци на добавување, особено во Кина, Азија почнаа да затвораат и ние (Костал) имавме проблеми како да ги обезбедиме основните компоненти. Имавме големи трошоци за транспорт и во многу слуачеви тие компоненти требаше да ги купуваме од европски дистрибутери по многу високи цени, се со цел да не го затвориме прозиводството на нашите клиенти кои се произведувачи на возила на европскиот пазар.
Ние како компанија имаме производство наменето за кинескиот пазар – пред се за БМВ и Мини. Се тоа во Кина се затвори. Од таа гледна точка веќе во февруари имавме намалување на нашето производство за повеќе од 10%. Но веќе во март ова намаллување ќе достигне 50% од планираното.
Во моментов сите компании кои произведуваат возила во Европа се затворени. Мината недела започна тој бран на затворање и конечно оваа недела се е затворено. Е сега ние имаме производство за кинескиот пазар, она што не работеше во изминативе речиси 10 недели.
Ние прво ги адаптиравме сите наши правила на работа согласно мерките на Владата. Не работиме континуирано 7 дена во неделата три смени, туку пет дена, две смени по шест работни часа, додаде Мизо.
Отпуштања нема да има. Без разлика дали работниците се на определено или непоределено време. Ќе дојде и времето кога ќе треба да се вратиме во целосно производство. Според мене основно сега е да си ја задржиме работна сила, бидејќи досега имаме вложено многу во нивните капацитети и знаења.
Ако сега ги отпуштиме кој ќе ни гарантира дека после три или шест месеци тие се уште ќе бидат присутни на пазарот на труд или дек ание ќе ги донесеме кај нас. Можеби ќе отидат во друга компанија. Така што задржување на вработените во овој момент е мнопгу важно иако ова се трошоци за нас како компании.
Очекуваме да видиме со какви дополнителни мерки ќе ни излезе во пресрет Владата, бидејќи сите наши сопственици не се во Македонија, голем дел се во Европа или во САД и тие ќе споредуваат каде и на кој начин државата им помогнала.
Треба да размислуваме како држава дека можеби е ова една можност и шанса кога ќе заврши кризата, ако ние сме се справиле подобро, со сета оваа помош и поддршка на компании, да поентираме. Да ги прошириме постоечките компании, бидејќи Македонија би била подобро позицинирана да помогне на овој сектор, изјави за Утрински брифинг, генералниот менаџер на „Костал“, Виктор Мизо.