Галевски: „Медена земја“ е најдобар културен продукт – сметам дека победи просечен филм

Многу поголеми филмови, со поголема логистика, повеќе пари не успеаја да добијат сериозни награди. Пред се за „1917“, кој доживеа вистинско фијаско. Се случи и преседан во историјата на Оскарите – еден странски филм да добие четири Оскари и тоа најпрестижните. Не треба да жалиме за „Медена земја“.

Тој останува еден од најдобрите културни продукти на оваа држава. Сметам дека ова е можеби максимуот што објективно можеше да се постигне, изјави Владо Галевски, филмски критичар во Утрински брифинг.

– Да, ние сме пристрасни, се разбира, јас како професионалец ќе се обидам да кажам дека ниту грам не бев пристрасен, затоа што ги изгледав и другите четири во категоријата документарци и објективно сметам дека победи просечен филм.

За мене беше очекувано затоа што тоа е типичен американски продукт и наменет е за американската публика, па дури и Академијата подпадна под некаков притисок на јавноста, каде што главната улога е на американскиот граѓанин, исполнува само некакви стандарди на документаристиката – за разлика од „Меедена земја“, „Јас сама“ итн, изјави во Утрински брифинг Владо Галевски, филмски критичар и рецензент.