Георгиевска: Нервозата кај ВМРО – ДПМНЕ е поради погрешната стратегија

Ова не е прв пат пратеници позитивни на Ковид – 19 да бидат присутни во Собрание на седница каде што треба да го остварат своето право односно да гласаат, тоа беше случај и со господинот Зибери кој што беше во кабина кога се гласаше за доверба на владата.

Она што сметам дека не би го нарекла како голема врева туку би рекла дека е излив на нервоза во пратеничката група на ВМРО – ДПМНЕ е заради тоа што се покажа дека стратегијата која што ја користеа изминатиот период е погрешна. Ова го тврдам заради тоа што во целиот изминат период како пратеници бевме сведоци на деструктивното однесување на пратеничката група на ВМРО – ДПМНЕ во одредени случаи потпомогната и со другите опозициски партии, кога сакаа влегуваа на седници кога сакаа влегуваа на комисии, кога сакаа учествуваа во расправа.

При секој обид за било какво донесување на дневен ред или евентуално гласање секогаш имаше опструкции од страна на опозицијата и сметам дека тоа вчера што го видовме е класична нервоза заради тоа што стратегијата им пропадна, е сега ќе мора веројатно нова стратегија да смислуваат за работа во наредниот период, вели за УБ Марија Георгиева од редовите на СДСМ.

Целиот разговор погледнете го видеото