Георгиевски: Германската поддршка за Западен Балкан ќе се зголемува – новата Влада ќе донесе нова енергија

Новиот канцелар на Германија ќе донесе нова енергија и беше потребна промена, иако Ангела Меркел заминува како омилена канцеларка. Нејзината влада задоцни со унапредувањето на дигитализацијата, што е за изненадување. Делови на Келн на пример немаат оптички кабли, а децата не можат да следат онлајн настава. Дигитализацијата е застаната од многу причини, не само поради централната влада, но тоа е една од темите каде што Германија има застој. Новата влада има зелена агенда и нова енергија, а може да ја закочи само ако дојде до посериозна криза со Ураина, вели Борис Георгиевски од Дојче веле.

Германија е една земја која нема производство на енергија, што исто е изненадувачки, и зависи од рускиот гас, што ја става во компликувана ситуација.

-Зависно од тоа како ќе се развива ситуацијата со Украина, новите владини коалициски партнери не се наклонети кон Русија, па може да се јави проблем со новиот гасовор Северен поток 2. Германците сакаа наследник на Меркел и добија соодветен наследник на Меркел во Шолц, вели Георгиевски.

За Германија и за новата влада клучниот момент е континуитетот, а примат ќе има зелената политика, заклучува Георгиевски.

Во однос на Западен Балкан, останува поддршката од Германија и се зајакнува таа поддршка. Георгиевски вели дека за Германија нема друга алтернатива освен Западен Балкан во ЕУ.

Целиот разговор погледнете го во видеото