Гоце Наумов: Врските на Македонија со Африка се подлабоки отколку што мислиме

Духовите на Африка некако ѝ отворија пат на Африка во Македонија. Уште додека ја подготвувавме минатата изложба се појави идејата за овогодишната поставка. Сите оние маски, фигури и ткаенини од Духовите на Африка ја интензивираа свесноста за африканските елементи во македонската (пред)историја, колку и да тие делуваат неповрзани.

Беше фасцинантно да се открива како Африка е генетски, демографски, културно, религиски и политички поврзана со нас и со оние што во последните неколку илјади години живееле тука“, ни рече за Утрински брифинг Наумов.