Градоначалникот на Прилеп со апел: Сите граѓани да се вакцинираат – од денеска ПЦР тест и во Прилеп

Десетина дена прилепчани ќе се вакцинираат во Битола, а отприлика десет до 15 дена како што најави премиерот, а тоа го потврди и министерот Филипче, во Прилеп ќе се отвори Центар за масовна имунизација, изјави во Утрински брифинг градоначалникот на Прилеп, Илија Јованоски.

Центарот ќе биде во Спортската сала во Медицинското училиште. Јас како лекар разговарам со многу луѓе и чувството што го имаме е дека Прилепчани сакаат да се вакцинираат. Упатувам и сега апел до сите граѓани да се вакцинираат, со било која вакцина. Сите вакцини се добри и тоа е првиот предуслов да имаме побрзо надминување на оваа пандемија, вели Јованоски.

Во почеотокот можам да кажам дека граганите не ги почитуваа мерките, но сега гледам дека тоа е променето, бидејќи сите видоа и сфатија што значи присуството на ковид-19. Среќен и задоволен сум што бројот на заболени и хоспатализирани е се помал, смета Јовановски и додава дека се надева дека Прилеп ќе биде еден од првите градови во државата кој ќе има колективен имунитет.

Од денеска во Центарот за јавно здравје почнува да се работи ПЦР тест во Прилеп, најави Јовановски.

Јовановски ја истакна и соработката со „Витаминка“, како општествено одговорна компанија која секогаш излегува во пресрет на граѓаните.

Целиот разговор погледнете го во видеото