Гулевска: Могилчани во целост ги почитуваат мерките и препораките од Владата
Мерките во општина Могила се почитуваат. Граѓаните се свесни за опасноста од болеста. Главно како земјоделско подрачје, луѓето совесно ја вршат својата примарна дејност, изјави за Утрински брифинг градоначалничката на Могила, Јасмина Гулевска.
Се врши редовна дезинфекција на јавните површини, спортски сали итн. Хигиенските средства ги имаме во доволен број. Во текот на работната недела преку комуналното претпријатие ги дезинфицираме возилата на главните влезови. До сега со радост можам да кажам дека немаме позитивен случај на КОВИД-19, вели Гулевска.