Дарувај Крв – мобилна апликација за сите крводарители, разговор со Александар Богданоски

„Да спасиме живот, да донираме крв! Преземи ја ДарувајКрв денес!“ е мотото на развивачите на новата мобилна апликација „ДарувајКрв“. Апликација е наменета за сите оние што даруваат или сакаат да даруваат крв. Зад неа стои активистот и програмер Горјан Јовановски, заедно со Александар Богданоски и Стефан Велковски, како и здружението на крводарители и поддржувачи на крводарителството „Крводарител“ – Скопје.

-Апликацијата секоја недела ќе ги информира крводарителите и заинтересираните за крводарителски акции што се организираат низ Македонија од разни здруженија. Со тоа ќе знаат кога во нивниот град ќе има крводарителска акција или побарување од некоја крвна група. До идејата дојде откако минатата година се појавуија многу повици за дарување крв и плазма и решивме да ја направиме апликацијата. Разговарав со Горјан и почна да се реализира апликацијата, изјави во Утрински брифинг Александар Богданоски.

Она што би сакале да го додадеме е здрженијата кои организираат свои акции да не контактираат за и тие да бидат додадени во апликацијата.

Од понеделник до денес (четири дена) имаме близу петсотитни инсталации што за мала држава е одлично, додава Богданоски.

Ова е прва верзија и во моментов апликацијата е достапна само за aндроид уредите, но наскоро ќе биде објавена и iOS верзија.

За следната верзија која треба да биде пуштена наскоро се најавени нотификации, кои ќе го известуваат секој корисник на апликацијата кога ќе има акција во неговиот град или побарување на одредена крвна група.

Целиот разговор погледнете го во видеото