Димковски: Увезениот тутун воопшто не влијае врз цената на домашниот

Предмет на преписките на министерот Димковски и заменикот Цветан Трипуновски е откупот на тутунот.

Се направи фама дека тутунот кој што се увезува кај нас го ремети пазарот и влијае на цената на домашниот тутун.

Жалосно и трагично е што еден човек кој што две години беше директор на пазарниот инспекторат да излезе со такви манипулации и обвинувања.

Кај нас има и фирми кои што имаат затворено подружици во Бугарија. Увозот кој што е направен е направен со цел да се преработи и извезе надвор.

Значи таквиот тутун воопшто не ја ремети домашната цена. Тоа е еден процес, еден глобален производ. Нашиот тутун се појавува на еден светски пазар и тоа е еден бизнис кој што самите фирми (мора да го блендуват, да го мешааат со повеќе видови на тутун) одат кон крајната цел – да го продадат на пазарот.

До сега е планирано да се откупат 26.500.000 илјади килограми тутун. До сега се откупени 25.500.000. Според проценките нема повеќе од 1.000.000 останато на терен. Очекуваме до вторник, среда да заврши вкупниот откуп.

Заменикот Трипуновски се води од партиско-политички мотиви, во момент кога ние имаме над 93% откупен тутун, по една просечна цена од 221,5 денари.

Станува за една висока откупна цена во споредба со минатите години, изјави во Утрински брифинг Трајан Димковски министер за земјоделство.