Драгана Велковска: Делуваме антипартиски, решението е да се врати моќта на одлучување кај граѓаните, потребна е директна демократија

МојГрад.мк е платформа која ја создаде граѓанската иницијатива Зелен хуман град. Сфативме дека е невозможно перку партиите да се постигне нешто што му е потребно на ова општество и овој град. На платформата се поставуваат предлози, и како таков оваа платформа е отворена за јавноста да гласа. Трите најгласани предлози секогаш кога има Седница на Советот јас ги поставувам пред градскиот Совет, изјави во Утрински брифинг Советничката во Град Скопје и долгогодишен екоактивист, дел од иницијативата „МојГрад.мк“, Драгана Велковска.

-Од тоа што го видов по социјалните медиуми колегите од Советот се свесни за постоењето на „МојГрад“. Директната демократија е потребна, а самиот закон оневозможува такво нешто. Поставен е демека да изгледа дека постои, а во пракса не постои. Имам поднесено огромен број на барања седниците да бидат отворени, а изговорите се банални – од типот дека нема добра интернет врска, додава Велковска.

-Имаме комуникација со советниците на „Поинаку“ кои имаат два члена во Советот на Битола и мислам дека кога ќе ги затвориме предлозите тие ќе бидат поднесени до Советот на градот, вели Велковска.

-Се организираме. Невозможно е преку партиите што било да се постигне и да се помести во општеството. Едно се ветува пред изборите, друго се прави кога ќе се дојде на власт. Нема друг начин освен активисти и волонтери да се вклучат на изборите и наскоро ќе ги објавиме наредните чекори, додава Велковска.

Целиот разговор со Драгана Велковска погледнете го во видеото