Дувњак: Кај нас се судат извршителите, но не и нарачателите

Она што ја обележа минатата недела е барањето на новиот партнер во Владата да се направат мониторирања или меѓународна истрага на одредени судски предмети за што разговаравме со Гордана Дувњак во редовната рубрика „Има ли правда“ во Утрински брифинг.

-Мониторирање имало и до сега. ОБСЕ, Американската амбасада и различни НВО-а веќе мониторираат одредени предмети. Но, оваа ситуација може да биде опасна по правосудството. Диво насеље треба да го земеме во фокусот. За тој предмет и претседателот Пендаровски разговараше со косовската претседателка. Се врши притисок врз Врховниот суд каде што се наоѓа предметот. Мене ми пречи тоа што се судат и осудуваат само извршителите. Нов момент во оваа приказна би било да се достават докази за организаторот за кој се зборува дека и платил, а се споменуваат милионски суми, вели Дувњак.

Таа вели дека втор спорен момент е што косовските власти бараат осудените таму да ги издржуваат казните, но за тоа треба да понудат добри гаранции. Освен тоа, од Косово треба да се испорачаат осудените за Монструм, а тоа не се прави, нема соработка од косовска страна.

Целиот разговор погледнете го во видеото