Д-р Александра Димова: Алармантен е бројот на р’бетни заболувања, физичката активност е нужност
Специјалистката по ортопедска хирургија д-р Александра Димова во денешен Утрински брифинг говореше за последиците од долго седење кај децата и пренесе препораки за превенција.
Неколку фактори придонесоа, меѓу другото и пандемијата со коронавирусот и воведените мерки, да се врзат децата за седење на столче и по десет часа на ден.
-Последици секако ќе има. Имаше и пред короната поради намалена физичка активност. Сега тоа зема замав и последиците ги гледаме во амбулантите. Тоа не подразбира само недостиг на физичко воспитување и отсуство на спортување, туку и самото седење кое предизвикува деформитети на грбот и на стапалата, вели д-р Димова.
Таа додава дека деформитетите на рбетот не се врзани само со не спортувње туку има и генетски фактори. Мускуларурата на грбот и стомакот треба да се цврсти за правилно држење. Децата по цел ден се во неприродна положба на телото поради прекумерно користење технологија. Немањето можност за спорт, особено пливање кое сега е оневозможено, сега предизвикува сколиози и кифози, објаснува докторката.
-Самата физичка неактивност и не излегувањето во природа преизвикува промени на табанската структура и добивање на рамни стапала, вели д-р Димова.
Целиот разговор погледнете го во видеото