Д-р Лазаров: Немаме конкретни насоки, владее тотален хаос, останува нерегулирано цело примарно здравство
–Сите очекувања и проекции на број на заболени и починати како глобално, така и локално се надминати. Ова е сосема нова болест и криво ми е што во медицината кај нас има премногу политика. Можеше многу подобро. Веста дека Македонци одат во Србија да се вакцинираат е понижувачко. Мислам дека можеше многу подобро да се изменаџира делот со вакцините. Тука нема простор за пасивност и да се чека. Фајзер не помножи со нула. Друго прашање е даки кинската вакцина е ефективна или не. Во моментов да ми понудат да бидам вакциниран, јас нема да прашам која вакцина ќе ми биде вакцинирана, туку само ќе го кренам ракавот. За мене поприфатливо е она што може да ми се случи од вакцина како несакан ефект, отколку она што може да ми се случи од Ковид-19, изјави во Утрински брифинг Д-р Ненад Лазаров и додава дека скепсата кај народот е од не знаење.
–Биологија и физиологија на човечко тело би требало во основно образование да се учи. Луѓето мешаат термини и поими. Во иднина треба да се обрне многу внимание на здравствената едукација, за да не мора на некој следна пандемија да ги учиме луѓето колку време и како се мијат рацете. Скепса не треба да има за вакцини, бидејќи тоа е нешто што над „300“ години функционира и е нешто што има спасено милиони и милиони животи, вели Д-р Лазаров.
–Немаме конкретни насоки, владее тотален хаос, останува нерегулирано цело примарно здраство. Не се дадени конкретни насоки, изјави Д-р Лазаров околу прашањето дали постоеа подготовки на матичните лекари.
Целиот разговор со Д-р Лазаров погледнете го во видеото