Д-р Митов: Опасноста е реална – со „терањето“ нови години и слави, здравствениот систем може да го турнеме во провалија
Се покажува дека имунитетот кој што се создава нема долго влијание, односно останува со пациентот неколку месеци. Ќе видите по социјалните мрежи дека и кај нас, кај Македонци кои биле болни годинава болеста се има вратено. Значи јасно е дека ако еднаш се прележи може да се повтори. Се претпоставува, ќе видиме во наредните месеци, дека вакцинацијата ќе створи траен имунитет, изјави во Утрински брифинг Д-р Александар Митов.
![](https://slobodenpecat.tv/wp-content/uploads/2020/12/download-2020-12-16T094554.928-1024x576.jpg)
Главната загриженост моментално е дали варијациите на вирусот би резултирале со тоа вакцината да нема ефект, но мора да истакнам дека се работи за непотврдени информации и се уште се нема никаков доказ за тоа, додава Д-р Митов.
![](https://slobodenpecat.tv/wp-content/uploads/2020/12/download-2020-12-16T094559.384-1024x576.jpg)
За жал во светот, веќе е јасно, дека во моментов се случува т.н трет бран. Јасно се исцртува растот на бројот на заразени. Веќе е на сцена тртиот бран кој што е навлезен во САД. Ако ја тераме Новата година како лани, барем еден дел од населението да го направи тоа, ќе дојдеме до ситуација третиот бран да се појави и кај нас. Ако досега некако се одржуваше на работ здравствениот систем, ако тераме Нови години, во ситуација сме да го турнеме во провалијата. Тоа е реалната слика, смета Д-р Митов и додава дека и поголемите и појаки држави како Германија и Франција преземаат мерки независно од последиците врз нивните силни економии и додава дека колку побрзо се прифати вакцината како решение, толку подобро за сите.
![](https://slobodenpecat.tv/wp-content/uploads/2020/12/EXPORT.00_53_12_00.Still004-1024x576.jpg)
Целот разговор со Д-р Митов каде говори за погледнете го во видеото