Д-р Николов: Ефективноста, продуктивноста и експедитивноста ќе бидат мои приоритети за штипјани да го почувствуваат благодетот на нашиот град
Социјалдемократскиот сојуз на Македонија го утврди Сашко Николов како кандидат за градоначалник на Штип, за предвремените локални избори, кои треба да се одржат на 13 декември оваа година.
-Живееме во време на пандемија која што уште не знаеме колку ќе трае. Ако нема избори ќе влеземе во една институционална криза, што не смееме да си го дозволиме. Во однос на ставот на опозицијата и раководството на ВМРО-ДПМНЕ, нив им сметаше пендамијата за да нема вонредни парламентарни избори, па беа против вонредната состојба, па збореа дека ќе одат на избори, за најново дека нема да одат. Тоа е еден анемичен став, без визија. Прават опструкција, деструктивни се, се со цел од пандемија и здравствна да влеземе во една општествена криза, изјави во Утрински брифинг кандидатот за градоначланик на Штип од редовите на СДСМ, Сашко Николов.
Говорејќи за изборната програма Николов вели дека има простор за унапредување на живеењето во градот и дека ефективноста, продуктивноста и експедитивноста ќе бидат приоритети за штипјани да го почувствуваат благодетот на нивниот град.
-Бев советник во општина Штип така што јас сум запознаен со нејзиното работење. Имаме луѓе кои што можат и тоа како добро да работа. Секогаш бројот на луѓе или преголем или премал за оној што ќе ја води институцијата, но ние мора да знаеме дека требада направме ред и диспилнина во институциите, вели Николов.
Разговорот со кандидатот за градоначалник на Штип Сашко Николов, погледнете го во видеото.