Д-р Петличковски: Нема корист од затворање на границите, потребна е лична заштита и вакцинација
Прашање на време е кога омикрон сојот на коронавирусот ќе влезе во нашата средина. Додека случаи нема, можеби треба да се преземат превентивни мерки.
-Евентуални мерки на границите нема да придонесат многу оти омикрон веројатно е тука некаде. Индивидуалните мерки и вакцините остануваат единствените мерки кои функционираат, вели д-р Петличковски од Институт за имунобиологија и хумана генетика за Утрински брифинг.
Во омикрон сојот ги има сите промени од претходните сојови.
-Во биологијата на вирусот е да се менува за да опстои што подолго. Различно кај омикрон е што бројот на мутации е најголем, има над 40 мутации на спајк протеинот. Се стравува дека имунитетот стекнат од вакцини или прележување вирусот може да го избегне, т.е. рашање е дали вакцините ќе бидат ефикасни. Но, доказите научни не се страшни. Секако дека имаме некаков имунитет, помага третата доза, а ќе има од јануари и поспецифични вакцини за овој сој, вели д-р Петличковски.
Тој додава дека сѐ е познато за коронавирусот и во новите вакцини нема да се промени многу освен оној момент на разлика.
-Светот очекуваше дека вирусот брзо и многу ќе се шири, тоа е предвидливо и не е толку опасно. Во некои од државите веќе 70 отсто од случаите се омикрон, а вчера за првпат имаше смртен случај од него што значи дека не е толку опасен како претходните, вели д-р Пеличковски.
Петличковски вели дека првичните податоци велат дека не е толку смртоносен сојот, но треба да се почека и вели дека сега ситуацијата сега е поразлична од пред две години оти имунитетот на населението е многу зајакнат и поради вакцините и поради прележаноста на болеста. Според него, сеедно каква варијанта ќе се појави нема да биде толку страшна како кога првпат се соочивме со вирусот. Секоја нова варијанта ќе биде побезопасна за населението, додава тој.
Но, реална е опасноста на зголемени хоспитализации особено кај оние кои не се имунизирани, кои немаат примено бустер доза а поминале повеќе од 6 месеци од вакцинацијата или оние кои немаат прележано поради зголеменото движење и комуникација за време на празниците, вели докторот.
Проследете го целиот разговор во видеото