Евротинк: Времеплов на Договорот од Преспа
Евротинк – Центар за европски стратегии во соработка со канцеларијата „Friedrich-Ebert-Stiftung “ во Скопје, организира завршен настан на тема „Спроведување на Договорот од Преспа“.
Настанот е поддржан од Амбасадата на Канада во Србија, Северна Македонија и Црна Гора .
Во Утрински брифинг стапивме во контакт со Иван Стефановски кој не информираше за целта на настанот.
Спроведувањето на Договорот од Преспа досега, досегашните чекори и креирање политики за мониторинг како и предизвиците на спроведувањето се централна тема.
Материјалот е создаден во соработка помеѓу грчки и македонски аналитичари и новинари, разгледувајќи ги различните аспекти на договорот.
Дискусијата ќе ја потенцира политичката димензија на спроведувањето. Исто така и помалку видливите чекори што се направени досега, со предизвици за понатамошно спроведување, изјави Стефановски.
КАКО СТОИ СПРОВЕДУВАЊЕТО НА ДОГОВОРОТ ЕДНА ГОДИНА ПО НЕГОВОТО ВЛЕГУВАЊЕ ВО СИЛА?
Збиднувањата во двете држави минатата година не ја загрозија имплементацијата на договорот. Иако владите во дввете земји се соочија со сериозни потешкотии.
Повеќе информации за спроведувањето на Договорот се достапни извештајот од набљудувањето на имплементација на ЕВРОТИНК – Центарот за европски стратегии.
ВРЕМЕПЛОВ НА ДОГОВОРОТ ОД ПРЕСПА
Една година по влегувањето на Договорот од Преспа во сила, ЕВРОТИНК – Центарот за европски стратегии издаде мониторинг извештај од неговото спроведување. Со тоа се затвара проектот Хармонизација на билатералните односи меѓу Северна Македонија и Грција преку мониторинг на имплементацијата на Договорот од Преспа. Истиот е поддржан од Канадскиот фонд за локални иницијативи.
Годишнината е добар повод за правење ретроспектива, а овој времепов претставува придонес кон тон тоа.
ЈАНУАРИ 2018 Г.
ИНТЕНЗИВИРАЊЕ НА КОНТАКТИТЕ.
На постигнувањето согласност, која се преточи во Договорот од Преспа, му претходеше интензивирање на контактите меѓу официјални Атина и Скопје во втората половина на 2017 година. Ова затоплување на односите достигна свој зенит во јануари 2018 година.
Тогаш кога на магините на годишната средба на Светскиот економски форум се сретнаа премиерите Ципрас и Заев.
Позитивните сигнали испратени по средбата без предвесник на компромисот.
17 ЈУНИ 2018 Г.
ПОТПИШАН ДОГОВОРОТ ОД ПРЕСПА
На 12 јуни страните обзнанија дека е постигнат компромис, а текстот на договорот наскоро се појави во медиумите. Конечниот договор за решавање на македонско – грчкиот спор за името и за стратешко партнерство беше свечено потпишан во Нивице, Преспанско езеро. Така и се оддомаќи во секојдневниот јазик како Договорот од Преспа или Преспанскиот договор.