ЕкоВита против „гасна централа“ во Неготино, бара поддршка од винариите и адвокатите

Имавме состанок со градоначалникот на општина Неготино и претседателот на Советот во врска со последните најави за изградба на гасна централана која што ќе работи на согорување на комунален отпад од цела Македонија. Сакавме да добиеме информации за што конкретно се работи, но за жал не добивме конкретни информации. Дали општината се уште не знае или информациите се криајт не успеавме да дознааме, а причината е што локалната самоуправа не е транспарентна во донесувањето на одлуки, не е отворена кон граѓаните, и не ги вклучува во носењето на одлуки. Еден од најзначајните проблеми е Законот за стратешки инвестиции кој ја заобиколува општината, по дриектива од Скопје, Владата и Собранието одлучуваат што ќе се инвестира во Неготино. Тоа ни е најголемата забелешка, бидејќи законот за стратешки инвестиции, не ги почитуваат конвенциитуите во кои стои дека граѓаните ќе бидат информирани е ќе бидат вклучени во носењето на сите одлуки, изјави во Утрински брифинг Сашко Тодоров претседател на Здружение на граѓани ЕКОВИТА од Неготино.

Александар Гичовски од ЕКОВИТА смета дека вакви слични проблеми се провлекуваат веќе години наназад, проблеми кои ги засегаат сите граѓани на општината.

Нашата иницијатива која што беше уште од минатата година кога на ниво на општината трребаше да се гради една депонија од формат каков што нема никаде во околината. Тогаш почнавме да го креваме гласот, се здруживме од сите здруженија и направивме иницијатива која што трае година ипол. За неполни две недели собравме 3.323 потписи колку што ни беа побарани, а Советот и општината да распишат референдум, но од необјасниви причини тие тоа не го направија, вели Гичовски.

Целиот разговор погледнете го во видеото.