Здравковски: Не се прави доволно на патот кон ЕУ

Ние постојано следиме дека стигаат пораки од различни европратеници од било кое ниво на функционирање на ЕУ и тоа е нормално затоа што ние како земја кандидат тежнееме да стигнеме еден ден таму, меѓутоа сметам дека недоволно се прави и покрај сите повици од страна на нашите власти од страна на Владата на Република Македонија како и од страна на претседателот и на мнозинството во Собранието, недоволно се прави за да имаме некој развој.

Ние постојано кажуваме дека сакаме да стигнеме таму и постојано некако како да го правиме тоа затоа што мораме, а не затоа што сакаме… Се движиме кон ЕУ меѓутоа се движиме за да ги постигнеме тие норми затоа што се услов а не правиме ништо што би ни го олеснило нас животот за некако да се синхронизираме со тие барања, да ги направиме и нашиве стандарди кои што треба да ги направиме за да дојдеме до таму, меѓутоа паралелни и да ги усогласиме потребите на граѓаните, вели за УБ, Игор Здфравковски од ВМРО – ДПМНЕ.