Зошто нема спортски емисии кои ќе го следат развојот во македонскиот спорт? – разговараме со Дамјан Николовски

Како опаѓа квалитетот на клупскиот спорт кај нас, сè помалку се дава фокус на спортот и на домашен и на меѓународен план. Од година во година сè помалку се инвестира во спортските редакции. Ако на тоа се додаде немањето стратегија за развој на спортот, од страна на државата, невладиниот сектор, државните агенции задолжени да се занимаваат со спорт, тогаш јасно е зошто немаме анализи и не се следи прогресот во македонскиот спорт, вели спортскиот новинар и коментатор Дамјан Николовски.

„Бројките на заинтересираност, кога се во прашање сериозни спортски проекти, се исклучително големи. Македонската нација сака спорт но недоволно добива спортска содржина. Телевизиите не откупуваат пренос на првенства пак, иако носат гледаност, носат маркетинг потенцијал, сепак поскапи им се и се одлучуваат за турски серии. Повремено се задоволува народот со по некое Ел Класико, по некој меч од Лига на шампиони… меѓутоа кога се во прашање Првата македонска лига, Првата кошаркарска лига и слично, недоволно се прават разработки и анализи“, вели Николовски во Утрински брифинг.

Меѓу другото, Николовски потенцира дека отсуството од медиумска поддршка влијае кај младите надежни спортисти кои наместо огромен интерес, тешко доаѓаат до спонзорства и инвестиции кои би значеле напредок во успешни спортски кариери.

Повеќе за освртот на оваа тема во видеото.