Ивановски: На овие избори не ни требаат експерименти или дисконтинуитет – премногу страдавме во овие изминати скоро три децении

Во ситуација каде што ние де факто имаме еден вид политичка економија, со оглед на фактот дека Владата или државата беше најголем работодавач, најголем доверител, за жал и најголем должник, не можеме да ги одвоиме политиката и економијата.

Договорот од Преспа кој што е предуслов за она што треба да следи, нашето официјално членство НАТО и почеток на преговори со ЕУ, се во директна колерација о една фундаментална претпоставка за предвидливост, стабилност, намалување на премијата за ризик, која што понатаму е основа за финансирањето, за рационалните економски очекувања.

Она што е клучно е дека политичките токови и одлуки кои што се појавивја во изминативе три и пол години, исклучително позитивно влијаат и уште повеќе можат да влијаат на економските токови.

Показателите за тоа ссе веќе видливи – НБМ ја намали референтната стапка на 2%. Тоа е најниското можно ниво.

Тоа треба да биде директно поврзано со намалувањето на каматните стапки на банките како основ за кредитирање на коорпоративниот сектор, бизнисот и особено на населението. Клучната работа на овие избори е да се понуди пакет на реална, остварлива, фокусирана и таргетирана програма врзана со кадровсски потенцијал кој што таа ќе ја спроведе.

Мислам дека клучен момент е дека оваа политка која започна овие две и пол години треба да продолжи. На овие избори на Македонија не и требаат експерименти или дисконтинуитет, бидејќи премногу страдавме во овие изминати скоро три децении, на едни амплитуди каде добрите започнати работи се прекинуваат, а се започнува со некоја нова авантура изјави за Утрински брифинг Игор Ивановски, универзитетскиот професор од Економскиот факултет.