Илиевски: На Македонија и е потребна активна и современа дипломатија
Советот на амбасадори е асоцијација на поранешни амбасадори, но има и актуелни луѓе кои што се уште функционираат во редовен работен однос кои исклучително сериозно ја мониторирираат ситуацијата и со нашата дипломатија и меѓународната дипломатија во целина. Советот по сите клучни прашања па дури и во економијата и развојната политика во Македонија се обидува да даде свои сугестии и мислења кои се коректни во одоно на тоа како да се трасира патот како Владата ги решава овие проблеми. Во тој контекст, бидејќи актуелна е средбата во Брадо Крањ, можам да ви кажам дека нашата добра практика предвидува некаде кон крајот на ноември, токму на оваа тема – патот на македонските интеграции кон ЕУ, да свикаме една сериозна дебата, под закрилата на своевидна тркалезна маса, на кој и нашите врвни политички функциори и странски амбасадори би ги понудле своите видувања за тоа колку брзо Македонија може да го помине патот за редовно членство во ЕУ, изјави за Утрински брифинг долгогодишниот дипломат и поранешниот амбасадор, член на Советот на амбасадори, Тихомир Илиевски.
-Принципите на меѓународната дипломатија значат дека системот на дипломатите високо котира во политичките и внатрешно политичките односи и состојби во земјите што ја спроведваат добрата, активна и современа дипломатија во светот. Од дипломатската комуникација зависат многу активности што потоа се пресликуваат или решаваат на домашен политички план.
Во Македонија долги години дипломатијата е спуштена од принципиелни или непринципелни причини, актуелни политички состојби на многу пониско ниво од што треба. Сега ни треба не ексклузивна, туку активна, современа и добро професионализирана дипломатија во светот за да ги пренесе нашите пораки до земјите што можеби се уште се колебаат виза ви контекстот и односите со Бугарија. Можеме со многу аргументи, ако сме присутни на клучните светски дестинации, да им објасниме на политичарите во тие земји кои ги носат круцијалните одлуки, зошто е Македонија важно, заедно со Албанија што поскоро да стане член. Нашата дипломатија во овој момент е минимизирана и за жал ние тој капацитет, бидејќи во многу земји и меѓународни организации ние немаме ни амбасадор, не можеме да стигнеме до тоа ниво на кое нашата клучна порака треба да ја пренесеме. Дипломатијата треба да се обнови, освежи и тогаш ќе може да збориме која е улогата на македонската дипломатија, вели Илиевски.
Целиот разговор погледнете го во видеото