Интервју со селекторот на македонската фудбалска репрезентација Игор Ангеловски – Мрме

„Дечки, сето она што направивте го направивте заедно. Вие сте среќа за илјадници луѓе и голема гордост за вашите фамилии. Со вас создадовме едно семејство, не само заради вашиот талент, туку и поради вашите човечки вредности и позитивен дух.

Денес, после 5 години вие сте едно тело. Денес Горан е Барди, денес Барди е сите ние. Денес Боби, Аријан, Стефан, Аце, Влатко, Кире, Столе, Егзон, Висар, Даре, Ѓоко, Тихо, Крсте се едно!

Денес Елиф е Нестор, а Нестор е Иве! Денес Столе има шест раце, денес и Шишко и Мартин се покрај тебе.

Вие сте сплотени за целта на многу генерации да стане реалност. Денес Македонија ќе ве бодри од секој дом, денес ќе треперат многу срце. Не се плашете!

Денес победува срцето, а не нозете! Денес победува другарството, а не личноста. Денес ќе испишете историја што ќе се памети со генерации“

– Игор Ангеловски Мрме

Селекторот Игор Ангеловски – Мрме ги водеше играчите до најголемиот успех во сениорска конкуренција. Македонската А репрезентација се пласираше на Европското првенство после победата во Тбилиси на 12 ноември 2020 година против Грузија. Ден што ќе остане запишан со златни букви во македонската спортска историја.

Во видеото погледнете го интервјуто со Мрме, селекторот, кој дојде до најголемиот успех во историјата на македонскиот фудбал, запознајте го одблизу, запознајте ја неговата страст за фудбалот, неговиот лидерски дух….