Колев за УБ: Бугари се етаблирани и во ВМРО-ДПМНЕ и во СДСМ

За да има кавга се потребни двајца. Не може човек да се скара сам со себе си. За да постојат тие кавги меѓу Скопје и Софија, многу често се налива масло и од двет страни на границата. Јас кога тргнав да се занимавам со политика иако сум правник по образование и сум имал можност да правам нешто подобитно за мене како што е приватниот бизнис од каде што доаѓам, тргнав да се занимавам со оваа работа можеби и од тој агресивен однос едни кон други меѓу Скопје и Софија. Се надевам и дека после потпишувањето на Договорот за доборососедство, за мене исклучително важен договор за иднината на Република Македонија, ќе смогнеме сили како општество да го продолжиме патот по кој што веќе тргнавме.

– Кон позитивна енергија би придонеле многу моменти од нашето блиско и далечно минато, но пред се сегашноста реалноста и иднината која што треба да ја изградиме заедно. Многу сум револтиран што за нас како општества е поважно што се случило пред 150 години, а не е важно тоа што ние немаме граничен премин помеѓу Македонија и Бугарија. Не логично е тоа што се расправаме и караме за граматики и јазици, а не прифаќаме дека многу ни е тешко да направиме заедничка тркалезна маса во сферата на бизнисот, бидејќи од Скопје до Софија нема автопат и треба да патуваш четири часа и ако имаш лош ксмет да има во тој период сериозен увоз на горива или нешто друго можеш да заглавиш седум часа, изјави за Утрински брифинг, Петар Колев, лидер на ГДУ.