Коневски: ИО има двотретинско мнозинство на делегати за вонреден конгрес на ВМРО-ДПМНЕ
Веќе имаме собрано 2/3 од делегатите кои треба да ја изгласаат довербата или недовербата на актуелниот претседател. Јас сум сигурен дека овој Конгрес ќе биде успешен. Интересот е огромен да се променат состојбите во нашата партија. Имаме неколку последователни изборни порази, така што неопходна е една поширока дебата, да се разговара пред тие луѓе кои му дадоа доверба на Мицкоски и потребата да се има одговорност е на највисоко ниво во секоја демократска партија, изјави во Утриински брифинг, Ивица Коневски.
Ние се имаме консултирано со голем број на правници и луѓе кои што ја работат оваа тематика и врз база на тоа сметаме дека сме на вистинска патека во една правно регуларна процедура да го организираме Конгресот кој е највисок орган во партијата и врз база на тоа гласањето на делегатите има најсилно дејство. Многу работи во самиот статут не се пропишани и се предмет на толкување. Но ние не сме суд, но доколку стасаме до ваква работа, сигурни сме дека правно и регуларно ја водиме целата процедура, вели Коневски.
Целиот разговор погледнете го во видеото