Костовски: ВМРО – ДПМНЕ е исплашено зашто СДСМ одлучно започна борба против организираниот криминал

Ова што го прави опозицијата предводена од ВМРО – ДПМНЕ тука сакам да ги вклучам и останатите опозициони партии, е буквално невидено во рамките на парламентаризмот во светски рамки. Ниту една опозициона партија во светски рамки до сега нема поднесено интерпелација па потоа повлечено интерпелација. Тоа за прв пат се случи во македонското Собрание од страна на ВМРО – ДПМНЕ односно мислам на предметните интерпелации кои се поставени на денешниот дневен ред. Како што знаете при донесувањето на петтиот пакет антикризни мерки ВМРО – ДПМНЕ ги повлече интерпелациите.

Сето тоа на еден начин ни укажува дека можеби ВМРО – ДПМНЕ е уплашено зашто СДСМ како движечка сила во општеството и најголемата партија во коалицијата која што е на власт жестоко одлучно започна и води борба против организираниот криминал. Токму затоа беа поднесени интерпелации за Оливер Спасовски, Бојан Маричиќ и Љупчо Николовски кој што е именуван да ја води таа борба. Се додека овие министри ја работат работата како што треба, а резултатите се евидентни и познати на јавноста едноставно пратеничката група на СДСМ ќе даде поддршка за нивната работа, изјави за УБ пратеникот од редовите на СДСМ, Мартин Костовски.

Целиот разговор погледнете го во видеото